Annunziei Vos termins (info(at)brigels.ch) ella gliesta ufficiala d'arranschaments dalla regiun Breil-Vuorz-Andiast, la quala vegn menada dil Center Turistic.

Ulteriur sclariment concernent publicaziuns da termins survegnis Vus tiel Center Turistic, tel. +41 (0)81 941 13 31.

A Vuorz ei il lungatg romontsch aunc fetg vivents. Pér naven dalla 4. classa da scola vegn instruiu tudestg sco lungatg jester. Ell’entira Svizra discuoran aunc circa 60'000 persunas quei lungatg (tenor dumbraziun dil pievel 2000).

Il romontsch hodiern ei in lungatg roman seformaus dalla fusiun dil latin vulgar cun ils lungatgs dils Rets. Parentaus eis el il pli fetg cul talian, il sard ed il franzos. Dapli informaziuns.

Il museum dil vitg da Vuorz „arcun da tradiziun“ ei vegnius fundaus 1964 e secatta dapi 1986 ella Casa Cadruvi sper baselgia.

Il senn e la finamira dil museum ein: salvar ils beins culturals dalla decadenza e dalla sperdita; dar la pusseivladad da mirar anavos els temps da nos antenats che s’allontaneschan pli e pli da nus; svegliar il senn e l’engrazieivladad per quei ch’ei vegniu affidau a nus. Ils visitaders han access alla stiva che survescha era sco local per lavurs da maun, alla combra, alla cuschina ed ad ina remisa cun ina collecziun d’uaffens e da vischals dalla cultura da purs e da mistergners.

Visetas guidadas sin damonda: Center turistic, tel. +41 (0)81 941 13 31.